الوابة

هيفاء وهبي تشن هجوماً قاسياً على إشاعات زواجها

بعد انتشار شائعات جديدة حول زواجها من ملك جمال لبنان السابق، خرجت النجمة هيفاء وهبي عن صمتها وشنّت هجوماً قاسياً على مروّجي الشائعات ومطلقي الأخبار غير الصحيحة عن حياتها الشخصية.

نخيل نيوز /متابعة

وشاركت المغنّية اللبنانية عبر خاصية الستوريز في "إنستغرام" رسالة تهديد شديدة اللهجة وغاضبة، نفت فيها كل ما تم تداوله عن زواجها، إذ قالت: "صورة منذ بضع سنوات في إحدى المناسبات مع ملك جمال لبنان، لحد هون صورة وخبر عاديين، بس انتوا تماديتوا بالكلام وقلة الاحترام وزوّجتوني إلو ونشرتوا الخبر بالصورة وطبعاً كالعادة ما نسيتوا ما تضيفوا التاتش تبعكن".

وتابعت: "خبر كاذب ويا ريت تفهموا لما ما رد على خزعبلاتكم لأني بحترم نفسي وبقرف منكن ومش بحترم أي حدا بجيب سيرة الناس بعشوائية وفوضوية وكذب وتلفيق أخبار وبالأخص اللي عامل فيها إنه بينقل الخبر، (نقلاً عن)، إنتوا بتبقوا أقبح من الخبر نفسه وإنتوا بتساعدوا اللي بدسّوا الأخبار بالخفي لترجعوا وتحكوا عنها بلؤم مبطّن بالعلن بصيغة الإعلام، أنا لما شفت الموضوع راح لمحل مبالغ فيه حبيت إكتب هالكلمتين".وأضافت هيفاء في رسالتها: "وكمان في شي مهم، ما حدا خصّوا بحياتي إذا تزوجت أو لأ، لما يكون في شي لازم الناس تعرفه، أنا بس اللي بعلن عنه وبشفافية، بكفّي تدخّلوا بحياة الناس وتتعدّوا على حريتهن، أنا ما بتدخل بحياة حدا واللي بيعتدي عليي رح رد عليه بطريقة قانونية".

واختتمت هيفاء رسالتها بالقول: "وعلى سيرة المواضيع القانونية فقد باشر مكتب المحاماة ب‍دبي برفع دعوى على اللي مسمّي حاله إعلامي لبناني عايش بدبي هو واللي بيعمله مونتاج كل المحتوى اللي بينزله عني بقنواته وصفحاته، وأيضاً حرّكت دعوى ضد سيدة بتهدّدني باستمرار وبتتعمّد أذيتي إعلامياً إذا ما تجاوبت مع طلباتها الشاذّة وبحوزتي كل اللي بيثبت هالشي. وقد فرّغ مكتب المحاماة كل رسائلها وصورها وفيديوهاتها اللي أرسلتها وأيضاً الصفحات الوهمية اللي بتنشر فيها القدح والذم والأكاذيب في ملف يقدّم إلى القضاء لإثبات الجرم".