الوابة

نخيل نيوز /متابعة

أصدرت المطربة السورية أصالة، الأمس الأربعاء، أغنية جديدة أهدتها لوطنها سوريا، ووجهت رسالة مؤثرة للسوريين عن الحب وضرورة التسامح، وتجاوز جراح الماضي، عبر حسابها الرسمي على إنستغرام.

وكتبت أصالة، بلهجتها السورية - الشامية: "مشاعر مختلطة كلها قوية، خوف أولاً من إنه ينسى الواحد فينا شو كنا وشو أصلنا.. نحنا كل أهل سوريا بنشبه أهل الحارة اللي بكل العالم ما في من هيك حارة، الناس فيها مخلوطين من ديانات مختلفة، وثقافات مختلفة، وبساطة، وشهامة، ومحبة، وتسامح، وتسامح، وتسامح، وما في شي حيخلينا نتجاوز، ونكبر، ونحقق، ونعلا غير التسامح، ومارح نقول مو وقتها لسه الجرح طازة!".

وأضافت :"رح نقول نحنا أهل سوريا العظيمة الطيبة، سوريا التاريخ اللي بيعشقها شعبها، ودفع دمّه فداها، ما بدنا نكمل مشوار كله دم، وكله قهر، وبيرجعنا أكتر، وبيقهرنا أكتر. لأننا بالآخر هون عنا أهل وحبايب، وهون عنا أهل وحبايب، وبدنا نتوحد، وبدنا نعمر هالبلد الحلوة اللي ما في أحلى من ترابها، وشجرها، وبيوتها، وأهلها الطيبين الحناين".

وتابعت مغنية "قد الحروف" بكلمات تسعى من خلالها لبث الأمل في نفوس السوريين: "راهنت وبراهن على نجاحنا، وإنه الوجع وقف وإنه، الفرقة وقفت. ومن هون رح نبدى مارح نتطلّع عالماضي، وكل واحد فينا رح يعمل شغله، ورح نتأمّل خير ورح نتطلّع بألله، ورح نترجاه مابقى بدنا وجع، بدنا كلنا نكمل بعض بدنا سوريا تلحق، وتعمّر، وتكمّل وتسبق بدنا سوريا مافيها ظلم، مافيها خوف، فيها الياسمين بيغوى، وشجر الحور عم يطول، ونزرع نرجع شجر من القهر ما كأنه مات قدّ ما هوّه انتحر.."
ونشرت أصالة مع رسالتها للسوريين، مقطع فيديو لأغنيتها الجديدة "سوريا جنة"، من كلمات بتول زيدان ويارا أحمد، ولحن وتوزيع : علي حسون.